స్టార్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ సోమవారం నాటి ఎపిసోడ్ -498 లో.. అప్పుని తీసుకొని కళ్యాణ్ తన ఇంటికి వరలక్ష్మి వ్రతానికి వస్తాడు. అప్పు ఈ ఇంటికి సరైన కోడలు కాదని నిరూపించే ప్రయత్నం చేస్తుంది ధాన్యలక్ష్మి. వరలక్ష్మి వ్రతం పూర్తి అవ్వగానే.. ముగ్గురు అక్కచెల్లెళ్ళు తమ భర్తల దగ్గర ఆశీర్వాదం తీసుకుంటారు. ఆ తర్వాత వచ్చిన వాళ్లకి భోజనం వడ్డీస్తుంది అప్పు. దాంతో నువ్వు వచ్చిన వాళ్ళని అవమానించడం కోసమే పిలిచావా.. ఫస్ట్ ఎవరైనా అన్నం పెడుతారా అని ధాన్యలక్ష్మి అంటుంది.

మా చెల్లికి ఇలాంటివి తెలియదు అని కావ్య వడ్డీస్తుంది. ఆ తర్వాత వచ్చిన వాళ్ళకి వాయినం ఇస్తారు. వచ్చిన వాళ్లు వెళ్లేముందు ఈ అప్పు మాత్రం ఈ దుగ్గిరాల ఇంటికి కోడలు గా తగదని చెప్పి వెళ్తారు. ఆ తర్వాత అప్పు, కళ్యాణ్ లు బయలుదేర్తామని రాజ్ కి చెప్తారు. ఏంటి రా మీరు ఇక్కడే ఉండండి అని రాజ్ అంటాడు. ఈ అద్దాల మేడలో ఎవరు రాయి విసిరిన పగిలేలా ఉంది.. అయినా మేమ్ వచ్చింది ఉండిపోవడానికి కాదు తాతయ్య, నానమ్మల మాట కాదనలేక వచ్చమని కళ్యాణ్ అంటాడు. ఈ ఒక్క రోజు వస్తే చూసారు కదా పరిస్థితి ఎలా ఉందో అన్నట్లుగా కళ్యాణ్ అంటాడు. వచ్చినందుకు నీకేం తక్కువ చేసానని ధాన్యలక్ష్మి అంటుంది. ఆ మాట నువు అంటున్నావా.. వాడు ప్రేమించి పెళ్లి చేసుకున్న అమ్మాయి ని అవమానించావని ధాన్యలక్ష్మితో ఇందిరాదేవి అంటుంది. అయిన వచ్చిన వాళ్ళు అన్నారు కదా.. ఆ అమ్మాయి ఈ ఇంటికి కరెక్ట్ కాదని అని ధాన్యలక్ష్మి అంటుంది. అసలు వాళ్ళని మీరు పిలిచారా అని స్వప్న, అపర్ణలని ఇందిరాదేవి అడుగుతుంది. లేదని అపర్ణ అనగానే అయితే మా చెల్లిని అవమానించిడానికి మీరే పిలిచారని ధాన్యలక్ష్మితో స్వప్న అంటుంది. ఆ విషయం నాకు ఎప్పుడో అర్థం అయిందని కళ్యాణ్ అంటాడు.

ఆ తర్వాత కళ్యాణ్ వాళ్లని ఇందిరాదేవి ఉండమని అంటుంటే.. ఎందుకు అమ్మ రోజు ఇలాగే నా కోడలు అవమానపడాలి అనుకుంటాన్నావా.. వద్దు వాళ్ళకి ఒకరంటే ఒకరికి గౌరవం ఉంది.. ప్రేమ ఉంది.. వాళ్ళు ఎక్కడైనా హ్యాపీగా ఉంటారని ప్రకాష్ అంటాడు. వెళ్ళు మీరిద్దరు మళ్ళీ ఈ ఇంటికి తలెత్తుకొని వచ్చే రోజు వస్తుంది. అప్పుడు నిన్ను అనేవాళ్ళు తలదించుకుంటారని అప్పుతో  కావ్య చెప్తుంది. ఆ తర్వాత అప్పుని తీసుకొని కళ్యాణ్ వెళ్ళిపోతాడు. తరువాయి భాగంలో కావ్యని రాజ్ ప్రేమగా దగ్గరకి తీసుకుంటాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.